نئے پلازوںمیں پارکنگ کی وافر سہولیات کو مدنظر رکھا جائے، صدر میاں طارق مصباح کی تاجروں سے گفتگو

لاہور( وائی سی پی نیوز) پارکنگ اور تجاوزات لاہور کی مارکیٹوں کا سنگین مسئلہ ہیں اور فوری طور پر اس سے نمٹا جانا چاہئے۔ تاجروں کا حکومت سے یہ دیرینہ مطالبہ رہا ہے کہ پارکنگ کی جگہ ، پلازے مہیا کئے جائیں اور ایک ایسی پالیسی بنائی جائے جس سے ڈویلپرز اس بات کو یقینی بنائیں کہ اگلے 10 سے 20 سال تک نئے ڈویلپ ہونے والے علاقوں میں پارکنگ کی وافر سہولیات کو مدنظر رکھا جائے۔ان خیالات کا اظہار لاہور چیمبر آف کامرس کے صدر میاں طارق مصباح، سینئر نائب صدر ناصر حمید خان اور نائب صدر طاہر منظور چوہدری نے انجمن تاجران لاہور کے وفد سے جس کی قیادت صدر مجاہد مقصود بٹ کر رہے تھے سے گفتگو کرتے ہوئے کیا۔وفد کے دیگر اراکین میں سیکٹری جنرل عبدالرزاق بابر اور ملک خالد پرویز بھی شامل تھے۔انجمن تاجران کے وفد نے انتخابات میں تاریخی کامیابی پر نومنتخب اراکین کو مبارکباد پیش کی اور لاہور کی بڑی مارکیٹوں میں پارکنگ کی کمی کے حوالے سے اپنے خدشات کا اظہار کیا۔لاہور چیمبرکے عہدیداروں نے کہا کہ 2018 تک کے اعداد و شمار کے مطابق پاکستان کے1,000 افراد کے پاس 17گاڑیاں تھیں جو تعداد اب بڑھ چ±کی ہے۔ آمدورفت کے جامع نظام کی کمی اور میٹرو اسٹیشنوں اور مقامی بازاروں کے درمیان نقل و حمل کی رابطوں میں کمی نے لوگوں کو ذاتی گاڑیاں رکھنے پر مجبور کر دیا ہے جس کے نتیجے میں پارکنگ کی جگہیں کم پڑ گئی ہیں۔

دریاﺅں اور آبی ذخیروں میں پانی کی صورتحال

لاہور(وائی سی پی نیوز)تربیلا ، منگلا اور چشمہ کے آبی ذخائر میں پانی کی آمد و اخراج ، ان ک سطح اور بیراجوں میں پانی کے بہاﺅ کی صورت حال حسب ذیل رہی۔دریا ئے سندھ میں تربیلاکے مقام پرآمد 45500کیوسک اور اخرج82000 کیوسک، دریائے کابل میںنوشہرہ کے مقام پر آمد 9900کیوسک اور اخراج 9900 کیوسک، جہلم میںمنگلاکے مقام پرآمد10300کیوسک اور اخراج40000کیوسک، چناب میںمرالہ کے مقام پر آمد16900کیوسک اور اخراج5000 کیوسک رہا۔جناح بیراج آمد98800کیوسک اور اخراج0 9110کیوسک،چشمہ آمد 93800 کیوسک اوراخراج 93000کیوسک رہا۔ ، تونسہ آمد107300 کیوسک اور اخراج 85000 کیوسک، پنجند آمد14600 کیوسک اور اخراج صفر کیوسک، گدو آمد 76100کیوسک اور اخراج 62100کیوسک، سکھرآمد55900کیوسک اور اخراج15000کیوسک جبکہ کوٹری بیراج آمد23300کیوسک اور اخراج 5700 کیوسک ریکارڈ کیا گیا۔تربیلا کا کم از کم آپریٹنگ لیول 1392فٹ،پانی کی موجودہ سطح1537.47 فٹ،پانی ذخیرہ کرنے کی انتہائی سطح 1550فٹ اورقابل استعمال پانی کا ذخیرہ 5.270 ملین ایکڑ فٹ، منگلا کا کم از کم آپریٹنگ لیول 1050فٹ،پانی کی موجودہ سطح 1225.25 فٹ،پانی ذخیرہ کرنے کی انتہائی سطح 1242فٹ اور قابل استعمال پانی کا ذخیرہ 6.067 ملین ایکڑ فٹ جبکہ چشمہ کا کم از کم آپریٹنگ لیول 638.15فٹ،پانی کی موجودہ سطح 643.40 فٹ،پانی ذخیرہ کرنے کی انتہائی سطح 649 فٹ اور قابل استعمال پانی کا ذخیرہ 0.087 ملین ایکڑ فٹ رہا۔تربیلا، جناح اور چشمہ کے مقامات پر دریائے سندھ، نوشہرہ کے مقام پر دریائے کابل اور منگلا کے مقام پر دریائے جہلم میں پانی کی آمد اور اخراج 24گھنٹے کے اوسط بہاﺅ کی صورت میں ہے ۔

سٹاک مارکیٹ میں معمولی تیزی ، انڈیکس 55پوائینٹس بڑھ گیا، ڈالر 10پیسے ، سونا 1300روپے تولہ مہنگا

کراچی (وائی سی پی نیوز) پاکستان اسٹا ک مارکیٹ میںمنگل کو اتار چڑھاو¾ کا سلسلہ جاری رہنے کے بعد تیزی غالب آگئی جس کے نتیجے میںکے ایس ای100 انڈیکس 55پوائنٹس کے اضافے سے39127.48پوائنٹس کی سطح پر پہنچ گیا جب کہ59فیصد کمپنیوں کے شیئرز کی قیمتوں میں اضافہ ریکارڈکیا گیا جس کے باعث مارکیٹ کی سرمایہ کاری مالیت 15ارب42کروڑ10لاکھ روپے بڑھ گئی تاہم حصص کی لین دین کے لحاظ سے کاروباری حجم پیرکی نسبت39لاکھ 8ہزار شیئرز کم رہا۔ گزشتہ روز ٹریڈنگ کاآغاز مثبت زون میں ہوا جس کے باعث ابتدائی اوقات میں تیزی رہی اور کے ایس ای100انڈیکس 39344پوائنٹس کی بلند سطح پر پہنچ گیا تاہم بعد ازاںسرمایہ کاروں کی جانب سے محتاط طرز عمل کے زیر اثر حصص فروخت کا دباو¾ بڑھنے کے سبب تیزی کے اثرات زائل ہوگئے اور انڈیکس 39ہزار کی نفسیاتی حد سے گرتے ہوئے38570پوائنٹس کی نچلی سطح پر آگیاتاہم بعد میں ریکوری آئی اور 39ہزارکی نفسیاتی حد بحال ہوگئی اور کاروبار کے اختتام پر کے ایس ای100انڈیکس 55.01پوائنٹس کے اضافے سے39127.48پوائنٹس پر بند ہواجب کہ کے ایس ای 30انڈیکس 8.48پوائنٹس کے اضافے سے16594.97پوائنٹس اور کے ایس ای آل شیئرز انڈیکس 61.73پوائنٹس کے اضافے سے27857.43پوائنٹس کی سطح پرپہنچ گیا ۔گزشتہ روز مجموعی طور پر400کمپنیوں کا کاروبار ہوا جس میں سے236کمپنیوں کے حصص کی قیمتوں میں اضافہ146میں کمی اور18کمپنیوں کے حصص کی قیمتوں میں استحکام رہا۔تیزی کے سبب مارکیٹ کا مجموعی سرمایہ73کھرب 32ارب 80کروڑ70لاکھ روپے سے بڑھکر 73کھرب48ارب22کروڑ80لاکھ روپے ہو گیا ۔قیمتوں میں اتار چڑھاﺅ کے اعتبار سے سیپ ہائر فائبر50.05روپے کے اضافے سے 732.05روپے اورہینو موٹرز39.50روپے کے اضافے سے 704.32روپے ہوگئی جب کہ نیسلے پاکستان82.50روپے اورسروس انڈسٹریز30.78روپے کی کمی سے باالترتیب 6517.50روپے اور710.75روپے ہوگئی ۔ مقامی کرنسی مارکیٹوں میں منگل کو بھی امریکی ڈالر کے مقابلے میں پاکستانی روپے کی قدر میں بہتری آنے کا سلسلہ برقرار رہا جس کے نتیجے میں امریکی ڈالر 164.30روپے کی سطح پر آگیا ۔فاریکس ایسوسی ایشن آف پاکستان کے مطابق منگل کو انٹر بینک میں روپے کے مقابلے ڈالر کی قیمت خرید10پیسے کی کمی سے164.20روپے سے گھٹ کر164.10روپے اور قیمت فروخت20پیسے کی کمی سے164.50روپے سے گھٹ کر164.30روپے پر آ گئی جب کہ مقامی اوپن کرنسی مارکیٹ میں ڈالر کی قیمت خرید50پیسے کی کمی سے164.60روپے سے گھٹ کر164.10روپے اور قیمت فروخت164.90روپے سے گھٹ کر164.40روپے ہوگئی ۔فاریکس رپورٹ کے مطابق یورو کی قدر میں25پیسے کی کمی واقع ہوئی جس سے یورو کی قیمت خرید191.75روپے سے گھٹ کر191.50روپے اور قیمت فروخت193.75روپے سے گھٹ کر193.50روپے ہو گئی جب کہ برطانوی پاونڈ کی قیمت خرید50پیسے کی کمی سے212روپے سے گھٹ کر 211.50روپے اور قیمت فروخت214روپے سے گھٹ کر213.50روپے ہوگئی ۔مقامی صرافہ مارکیٹوں میں سونے کی قیمت مزید1300روپے کے اضافے سے1لاکھ13ہزار300روپے ہوگئی۔آل سندھ صراف اینڈ جیولرز ایسوسی ایشن کے مطابق گزشتہ روز عالمی مارکیٹ میں سونے کی فی اونس کی قیمت 7ڈالر کے اضافے سے1913ڈالر ہوگئی جس کے زیر اثر مقامی صرافہ مارکیٹوں میں فی تولہ سونے کی قیمت1300روپے کے اضافے سے1لاکھ13ہزار300روپے اور دس گرام سونے کی قیمت 685روپے کے اضافے سے97ہزار136روپے ہوگئی ۔چاندی کی فی تولہ قیمت 1200روپے مستحکم رہی۔ سٹاک مارکیٹ

سٹاک مارکیٹ شدید مندی کا شکار، انڈیکس میں 632.88پوائنٹس کمی ، سرمایہ کاروں کو 85ارب 81کروڑ کانقصان

کراچی(وائی سی پی نیوز)پاکستان اسٹاک ایکس چینج میںایک روزہ تیزی کے بعد بدھ کو پھر مندی چھاگئی جس کے نتیجے میں 41ہزار کی نفسیاتی حدگرگئی اور کے ایس ای100انڈیکس 632.88 پوائنٹس کی کمی سے40571.48پوائنٹس کی سطح پرآ گیا جب کہ حصص فروخت کا دباو¾ بڑھنے کے باعث 72.90فیصد کمپنیوں کے حصص کی قیمتوں میںکمی ہوئی جس کے باعث سرمایہ کاروں کو 85 ارب 81 کروڑ 15لاکھ روپے کا نقصان اٹھانا پڑا تاہم حصص کی لین دین کے لحاظ سے کاروباری حجم منگل کی نسبت 33.95فیصد زائد رہا ۔گزشتہ روزٹریڈنگ کا آغاز مثبت زون میں ہوا جس کے سبب ابتدائی اوقات میںکے ایس ای100انڈیکس41439پوائنٹس کی بلند سطح پر پہنچ گیا تاہم بعد ازاں سرمایہ کاروں کی جانب سے مارکیٹ سے سرمایہ نکالنے کا رجحان شروع ہوا جس کے نتیجے میں مندی چھاگئی اور انڈیکس 41ہزار کی نفسیاتی حد سے گرتے ہوئے40496پوائنٹس کی نچلی سطح پر آگیا بعد میں 40500کی نفسیاتی حد بحال ہوگئی لیکن مندی غالب رہی اورکاروبار کے اختتام پرکے ایس ای 100انڈیکس632.88پوائنٹس کی کمی سے40571.48پوائنٹس پر بند ہوا۔اسی طرح کے ایس ای30 انڈیکس264.83 پوائنٹس کی کمی سے 17205.34پوائنٹس اور کے ایس ای آل شیئرز انڈیکس 325.26پوائنٹس کی کمی سے28969.98پوائنٹس کی سطح پر آ گیا ۔گزشتہ روز مجموعی طور پر417کمپنیوں کا کاروبار ہوا جس میں سے98کمپنیوں کے حصص کی قیمتوں میں اضافہ304میں کمی اور15کمپنیو ں کے حصص کی قیمتوں میں استحکام رہا۔مندی کے باعث سرمائے کا مجموعی حجم77کھرب28ارب91کروڑ4لاکھ روپے سے گھٹ کر76کھرب43ارب9کروڑ89لاکھ روپے ہوگیا۔قیمتوں میں اتار چڑھاو¾کے لحاظ سے رفحان میظ کے حصص کی قیمت200روپے کے اضافے سے8500روپے اورباٹا پاک 62.96روپے کے اضافے سے 1683.96روپے ہوگئی جب کہ نیسلے پاکستان100روپے کی کمی سے 6600روپے اور آئی لینڈ ٹیکسٹائیل73.50روپے کی کمی سے906.50روپے کے ساتھ سرفہرست رہے۔مقامی کرنسی مارکیٹوں میں روپے کے مقابلے ڈالر کی قدر مزید20پیسے کم ہوگئی جب کہ یورو کی قدر 25پیسے بڑھ گئی ۔فاریکس ایسوسی ایشن آف پاکستا ن کے مطابق بدھ کو انٹر بینک میں روپے کے مقابلے ڈالر کی قدرمیں20پیسے کی کمی واقع ہوئی جس سے ڈالر کی قیمت خرید165.85روپے سے گھٹ کر165.65روپے اور قیمت فروخت166.05روپے سے گھٹ کر165.85روپے پر آ گئی اسی طرح مقامی اوپن کرنسی مارکیٹ میں20پیسے کی کمی سے ڈالر کی قیمت خرید165.90روپے سے گھٹ کر165.70روپے اور قیمت فروخت166.20روپے سے گھٹ کر166روپے ہوگئی۔دیگر کرنسیوں میںیورو کی قدر میں25پیسے کا اضافہ ریکارڈ کیا گیا جس سے یورو کی قیمت خرید192.75روپے سے بڑھ کر193روپے اور قیمت فروخت194.75روپے سے بڑھ کر195روپے ہو گئی جبکہ برطانوی پونڈ کی قیمت خرید212روپے اور قیمت فروخت214روپے مستحکم رہی۔مقامی صراافہ مارکیٹوں میںسونے کی قیمت فی تولہ قیمت300روپے کی کمی سے ایک لاکھ11ہزار800روپے ہوگئی۔آل سندھ صراف اینڈ جیولرز ایسوسی ایشن کے مطابق گزشتہ روز عالمی گولڈ مارکیٹ میں سونے کی فی اونس قیمت ایک ڈالر کی کمی سے1886ڈالر ہوگئی جس کے زیر اثر ملکی صرافہ مارکیٹوں میں ایک تولہ سونا 300روپے کی کمی سے 1لاکھ 11ہزار800روپے کا ہو گیاجب کہ دس گرام سونے کی قیمت258روپے کی کمی سے 95ہزار850روپے پر آ گئی۔

سہیل لاشاری پاک ایران جوائنٹ چیمبر کے صدر منتخب

لاہور(وائی سی پی نیوز) انجینئر سہیل لاشاری سال 2020-21 کے لئے پاک ایران جوائنٹ چیمبر آف کامرس کے صدر منتخب ہوگئے۔پاک ایران جوائنٹ چیمبر آف کامرس کے سالانہ انتخابات کا انعقاد کیا گیا جس میں حاجی شیر علی بنگلزئی سینئر نائب صدر اور سید دوست محمد نائب صدر منتخب ہوئے۔نومنتخب صدر انجینئر سہیل لاشاری 2005 میں بطور سینئر نائب صدر اور 2014 بطور صدر لاہور چیمبر آف کامرس اینڈ انڈسٹری خدمات انجام دے چکے ہیں۔سہیل لاشاری نے Sozo Amusement Park قائم کیا اور وہ لاہور چیمبر کے ساتھ سرگرم عمل رہ کر کاروباری کمیونٹی کی خدمت بھی کرتے رہے ہیں ۔ انہوں نے Horticulture، Hospitality and Tourism ، اورFruits and Vegetables سے متعلق لاہور چیمبر کی اسٹینڈنگ کمیٹی کے کنوینر کی حیثیت سے خدمات انجام دیں۔ وہ لاہور چیمبر ثالثی سنٹر کے ایک معتبر ثالث اور بانی سربراہ بھی ہیں ۔دریں اثنا، گروپ کے چیئرمین حاجی جمعہ خان نے نو منتخب عہدیداران کو مبارکباد پیش کی اور کہا کہ نومنتخب عہدیداران تاجر برادری کی سہولت کے لئے اپنی جدوجہد جاری رکھیں گے اور پورے عزم اور جوش و جذبے کے ساتھ ان کی خدمت کریں گے۔

کارفرسٹ نے ملتان میںاپنے آپریشنز کا آغاز کر دیا

ملتان( وائی سی پی نیوز)ممبر قومی اسمبلی مخدوم زین قریشی اور کارفرسٹ کے سی ای او راجہ مراد خان نے ملتان میں کارفرسٹ آپریشنز کا افتتاح کردیا۔ پریس کے ممبروں سے بات کرتے ہوئےزین اور مراد دونوں نے ٹیک کمپنیوں کے لئے ملازمت کے پائیدار مواقعوں کے بارے میں بات کی۔ کارفرسٹ کے سی ای او نے پریس کے ممبروں کے ساتھ کمپنی کا وژن، خدمات اور مصنوعات شیئر کیں۔ مخدوم زین قریشی، ممبر قومی اسمبلی نے کہا: ''ملتان میں استعمال شدہ گاڑیوں کی انڈسٹری کو درپیش سب سے بڑا چیلنج قابل اعتماد ذرائع اور فوری ادائیگی تھا، کارفرسٹ براہ راست ان مسائل کو دھوکہ دہی کے کسی بھی عنصر کو ختم کرنے کے ساتھ حل کرتا ہے۔ فوری معائنہ اور ادائیگی کا نظام۔ عصر حاضر کی دنیا کو ان تمام وجوہات کی بنا پر ہمارے مسائل کے ڈیجیٹلائزیشن اور جدید حل کی ضرورت ہے، ہم ملتان میں کارفرسٹ کا خیرمقدم کرتے ہیں اور ان کی خوشحالی کے لئے دعا گوہیں۔©"پریس کے ممبروں سے بات کرتے ہوئے، راجہ مراد خان، سی ای او اور شریک بانی کارفرسٹ، نے کہا، ''کارفرسٹ، سیالکوٹ، گوجرانوالہ، اور گجرات کے ساتھ، پورے پاکستان میں ترقی اور توسیع کا بتدریج نظریہ رکھتا ہے۔ ہم کارفرسٹ کی قابل بھروسہ خدمات کی زبردست مانگ کے جواب میں ملتان آئے ہیں۔ ملتان میں لوگ اپنی گاڑیوں کا معائنہ، قیمت، اور ایک ہی چھت کے نیچے فروخت کرنے کے قابل ہوسکیں گے، جو ایک گھنٹہ میں اپنی کار کی پوری ادائیگی وصول کریں گے۔"

انفینکس کا زیرو 8کے اجراءکےلئے عاطف اسلم کے ساتھ اشتراک

اسلام آباد(وائی سی پی نیوز) پاکستان کے سب سے زیادہ فروخت ہونے والے اسمارٹ فون برانڈInfinix اپنے جدید ترین فلیگ شپInfinix Zero 8 متعارف کروانے کےلئے تیارہے جس کےلئے نامور پاپ میوزک اسٹارعاطف اسلم کے ساتھ اشتراک کیا گیاہے۔ اس برانڈ کا شمارملک کے سب سے زیادہ پسندیدہ ناموں میں ہوتا ہے جس کے مقبول ترین Zero 8کےلئے پاکستان بھر میں بے چینی کے ساتھ انتظارکیا جارہاہے۔پاکستان کے شہرت یافتہ موسیقار اور دنیا بھر میں پاکستان کی نمائندگی کرنے والے عاطف اسلم Infinixفیملی کے ساتھZero 8کےلئے آفیشیل برانڈ ایمبسیڈرمنسلک ہوگئے ہیں۔یہ اشتراک Infinix کی مارکیٹ پوزیشن میں اضافے اور مارکیٹ میں تخلیق ، آزادی اور عظمت کی پروڈکٹ پیش کرنے کے تصور کو اجاگر کرے گا۔ نامور موسیقاروگلوکار کا Infinixکے ساتھ اشتراک دنیا کےلئے ہماری جدید ترین ٹیکنالوجیز اور پروڈکٹس کی قدروقیمت میں اضافہ کا سبب ہوگا جو لوگوں کی زندگیوں کو بھرپور لطف فراہم کرتی ہیں۔"ہمیں بہت خوشی ہے کہ عاطف اسلم Infinix فیملی میں ہمارے جدید ترین فلیگ شپ کےلئے برانڈایمبیسیڈر بن گئے ہیں اور ہم ان کو دل کی گہرائیوں سے خوش آمدید کہتے ہیں" یہ کہنا تھا Infinixپاکستان کے سی ای او جو ہو(Joe Hu) کا، انہوں نے مزید کہا"ہم اپنے اپنے صارفین کے ساتھ گہرے تعلقات استوار رکھنے کے خواہشمند ہیں جو انتہائی بلندی R&Dسے شروع ہوتے ہیں تاکہ ہم جان سکیں کہ صارفین کیا چاہتے ہیں اور ہمارا مقصد ان کی توقعات کے مطابق آگے بڑھنا ہے۔ اسی بناءپر Infinix پاکستانیوں کا نمبر1انتخاب ہے۔"شاندار Zero 8،Android v10 سسٹم پر کام کرتا ہے اور MediaTek Helio G90T چپ سیٹ،128 GB ROM اور 8 GB RAMسے آراستہ ہے۔